അയാള് ചുറ്റും നോക്കി. ആരുമില്ല. സമയം 12 മണിയോടടുത്തിരുന്നു. അകലെ ഒരു സ്ട്രീറ്റ് ലൈറ്റ് തെളിഞ്ഞു നില്കുന്നത് കാണാം. അതെ, തന്റെ ഇന്നത്തെ മോഷണം ഈ കടയില് തന്നെ ആകട്ടെ. മഴ ചാറുന്നുണ്ടായിരുന്നു. ചെറിയ ടൌണ്. രാത്രി 10 മണി കഴിഞ്ഞാല് ആള് സഞ്ചാരം തീരെയില്ല.
ആരുമില്ല എന്ന് ഉറപ്പുവരുത്തി മെല്ലെ അയാള് കട ലക്ഷ്യമാക്കി മുന്നോട്ട് നടന്നു. ഇരുട്ടില് ചെറിയ അനക്കം തോന്നിയതുപോലെ അയാള്ക്ക് തോന്നി. ഒരു സ്ത്രീ രൂപം. പേടിച്ച് വിറച്ച് നില്ക്കുന്ന സുന്ദരിയായ ഒരു പെണ്കുട്ടി !!.. 20 വയസ്സ് തോന്നിക്കും. അയാള് അടുത്ത് ചെന്ന് നോക്കി.
"ആരാ"?..
ഒരു പ്രതികരണവും ഉണ്ടായില്ല.
"കുട്ടി ... ഏതാ"...?
കാഴ്ചയില് ഒരു നല്ല പെണ്കുട്ടിയാണെന്ന് അയാള്ക്ക് തോന്നി.
"ഞാന് കുറച്ചു അകലെ നിന്നും വരുന്നതാ.... എറണാകുളത്തിന് പോകാനിരുന്നതാ. ഇവിടെ എഞ്ചിനീയറിംഗ് കോളേജില് പഠിക്കുന്നു. എന്റെ ട്രെയിന് മിസ്സായി... ഇനി പുലര്ച്ചയെ വണ്ടിയുള്ളൂ. റെയില്വേ സ്റ്റേഷനില് വെച്ചു രണ്ടു പേര് എന്നെ പിന്തുടര്ന്നു!!.... ഞാന് ഓടി രക്ഷപ്പെട്ടതാ... "
നമ്മുടെ നാടല്ലെ ... രാത്രി ഒരു പെണ്ണിന് തനിച്ചു രക്ഷയില്ലല്ലൊ.... കലികാലം!!..
മനസ്സുകൊണ്ട് അയാള് സ്ത്രീകള്ക്കെതിരായുള്ള അക്രമങ്ങള്ക്ക് എതിരായിരുന്നു.
"കുട്ടിക്ക് ഇവിടെ പരിചയക്കാരാരെങ്കിലും ഉണ്ടോ "?..... അയാള്ക്ക് ദയതോന്നി.
"ഇല്ല"..
"ശരി, എന്റെ വീട്ടില് നിന്നോ,.... പേടിക്കേണ്ട. ഞാനും ഭാര്യയും പിന്നെ തന്റെ പ്രായമുള്ളൊരു മകളും ഉണ്ടവിടെ......."
ഇന്നത്തെ മോഷണശ്രമം അയാള് വേണ്ടെന്നു വച്ചു. വീട്ടിലേക്കു നടക്കാവുന്ന ദൂരമേ ഉണ്ടായിരുന്നുള്ളൂ.
ഉമ്മറത്ത് റാന്തല് വിളക്ക് എരിയുന്നുണ്ടായിരുന്നു. അയാള് വാതിലില് മുട്ടിവിളിച്ചു.
ഉറക്കച്ചടവോടെ വാതില് തുറന്ന ഭാര്യ ചോദിച്ചു "ഇതേതാ ഈ കുട്ടി........"?
അയാള് നടന്നതെല്ലാം പറഞ്ഞു.
"നീ നമ്മുടെ മകളെ ഓര്ത്തുനോക്കിയെ... അവള്ക്കാണ് ഈ ഗതി വന്നതെങ്കിലോ"?
ഭാര്യക്കും അവള് നല്ല ഒരു പെണ്കുട്ടിയാണെന്ന് തോന്നി.
"കുട്ടി എന്തെങ്കിലും കഴിച്ചോ"?
"ഇല്ല"
ഭാര്യ അവള്ക്കു ഭക്ഷണം വിളമ്പിക്കൊടുത്തു. അവള് ആര്ത്തിയോടെ അത് മുഴുവനും കഴിച്ചു....
അവര് നാലുപേരും കിടന്നു..
..........................................................................
പുലര്ച്ചെ ഭാര്യയുടെയും മകളുടെയും നിലവിളി കേട്ടാണ് അയാള് ഉണര്ന്നത്. അയാള് ചാടി എഴുന്നേറ്റു.
"എന്താ .......... എന്ത് പറ്റി"?
"അച്ചാ .... അവളെ കാണുന്നില്ല....... എന്റെ ആഭരണങ്ങള് .........."
അയാള് തളര്ന്നു പോയി!....... എന്ത് ചെയ്യണമെന്നറിയാതെ നിന്നു.
തന്റെ മകള്ക്ക് കരുതിവെച്ചിരുന്നതെല്ലാം കൊണ്ടുപോയല്ലോ ആ വഞ്ചകി!!....... എല്ലാം താന് അനധികൃതമായി നേടിയതല്ലേ.... അതിനു തനിക്ക് ദൈവം തന്ന ശിക്ഷയായിരിക്കും ഇത് !!....
പുറത്തപ്പോഴും മഴ ചാറുന്നുണ്ടായിരുന്നു..............
കടുവയെ പിടിച്ച കിടുവായെന്നു കേട്ടിടുണ്ട് ഇപ്പോള് കള്ളനെ പിടിച്ച കള്ളിയെ കണ്ടു.ചെറു,ചെറുകഥ അതിന്റെതായ അര്ത്ഥത്തില് രസിച്ചു.ഇങ്ങനെ വല്ലോം നടക്കുവോ..ആവോ.
ReplyDeleteപ്രോത്സാഹനത്തിനു നന്ദി.... തുടര്ന്നും പ്രതീക്ഷിക്കുന്നു .
ReplyDeleteനന്നായി ആസ്വദിച്ചു ...
ReplyDeleteword virification mattuu
ReplyDeletegood
ReplyDeletegood
ReplyDeletepradeep paima, Kiran Gopal, Rithusanjana - Thank you!!
ReplyDelete